மத்தியகிழக்கு வங்கக்கடல் மற்றும் மியான்மார் கடலோரப் பகுதிகளில் நிலவிய காற்றழுத்த தாழ்வு மண்டலத்தின் தாக்கத்தால், தமிழகம் மற்றும் புதுவை பகுதிகளில் இன்று (நவம்பர் 5) மழை நீடிக்கும் என சென்னை வானிலை ஆய்வு மையம் தெரிவித்துள்ளது.
நேற்று முன்தினம் (நவம்பர் 3) காற்றழுத்த தாழ்வு பகுதியாக இருந்த இந்தச் சுழற்சி, நேற்று (நவம்பர் 4) காலைக்குள் ஆழ்ந்த காற்றழுத்த தாழ்வு பகுதியாக வலுப்பெற்று, வடகிழக்கு வங்கக்கடல் மற்றும் மியான்மார் ஒட்டிய பகுதிகளில் நிலவுகிறது. இது இன்று வடக்கு – வடமேற்கு திசையில் நகரும் என எதிர்பார்க்கப்படுகிறது.
அத்துடன், பங்களாதேஷ் கடற்கரையை ஒட்டி ஆந்திர கடலோரப் பகுதிக்கு அப்பால் உள்ள மத்தியமேற்கு வங்கக்கடல் பகுதிகளில் ஒரு வளிமண்டல கீழடுக்கு சுழற்சியும் காணப்படுகிறது. இந்தச் சூழல் காரணமாக, இன்று வடதமிழகத்தில் ஒருசில இடங்களிலும், தென் தமிழகத்தில் ஓரிரு இடங்களிலும் இடி மின்னலுடன் கூடிய லேசானது முதல் மிதமான மழை பெய்யக்கூடும்.
குறிப்பாக, தஞ்சாவூர், திருவாரூர், நாகப்பட்டினம், மயிலாடுதுறை, புதுக்கோட்டை, அரியலூர், திருச்சி மாவட்டங்களிலும், காரைக்கால் பகுதிகளிலும் ஓரிரு இடங்களில் கனமழை பெய்ய வாய்ப்புள்ளதாக வானிலை மையம் எச்சரித்துள்ளது. சென்னையைப் பொறுத்தவரை, இன்று வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி மின்னலுடன் கூடிய லேசான அல்லது மிதமான மழை பெய்ய வாய்ப்புள்ளது.
Read More : வாக்காளர் பட்டியலில் திருத்தம்..!! வீட்டிற்கு வரும் அதிகாரிகள்..!! தவறான தகவல் கொடுத்தால் ஓராண்டு சிறை..!!
