குளிர்காலம் தொடங்கிவிட்ட நிலையில், உடலை ஆரோக்கியமாகவும், வெப்பமாகவும் வைத்திருக்க தனி கவனம் செலுத்த வேண்டியது அவசியம். இந்த சமயத்தில் உடலுக்கு அதிக வெப்பமும், நோய் எதிர்ப்பு சக்தியும் தேவைப்படுகிறது. அதற்காக பல உணவுப் பொருட்களை நம்முடைய அன்றாட உணவில் சேர்த்துக் கொள்கிறோம். அந்த வகையில், சத்துக்கள் நிறைந்த கருப்புத் திராட்சை (Black Raisins), குளிர்கால ஆரோக்கியத்திற்கு ஒரு வரப்பிரசாதமாக அமையும் என்று ஆயுர்வேத நிபுணர்கள் மற்றும் ஊட்டச்சத்து நிபுணர்கள் கூறுகின்றனர்.
ரத்த சோகையை விரட்டும் கருப்பு திராட்சை :
ஊட்டச்சத்து நிபுணர் நமாமி அகர்வால் விளக்குவதன்படி, கருப்புத் திராட்சை மிகவும் சத்து நிறைந்தவை. இவை உடலை உள் வெப்பத்துடன் வைத்திருக்க உதவுகின்றன. இதில் இரும்புச்சத்து, ஆன்டிஆக்ஸிடன்ட்கள், நார்ச்சத்து மற்றும் பல அத்தியாவசிய ஊட்டச்சத்துக்கள் நிறைந்துள்ளன.
ரத்த சோகை நிவாரணி: கருப்புத் திராட்சையில் இரும்புச்சத்து அதிகம் இருப்பதால், ரத்த சோகையால் பாதிக்கப்பட்டவர்களுக்கு இது மிகவும் நன்மை பயக்கும். இதை தினமும் சாப்பிடுவது இரத்த சோகையை போக்க உதவும்.
செரிமான மேம்பாடு: இந்தப் பழம் செரிமானத்தை மேம்படுத்துவதோடு, காலையில் வெறும் வயிற்றில் உட்கொள்ளும்போது, வாயு, மலச்சிக்கல் மற்றும் அமிலத்தன்மை போன்ற பிரச்சனைகளையும் தீர்க்கும் ஆற்றல் கொண்டது.
நோய் எதிர்ப்பு சக்தியை அதிகரிக்கும்: குளிர்காலத்தில் பெரும்பாலானவர்களுக்கு நோய் எதிர்ப்பு சக்தி பலவீனமடைந்து, சளி மற்றும் காய்ச்சல் போன்ற பருவகால நோய்த்தொற்றுகள் ஏற்பட வாய்ப்புள்ளது. தினமும் கருப்புத் திராட்சையை உட்கொள்வது, உடலின் நோய் எதிர்ப்பு சக்தியை வலுப்படுத்தி, சளி, காய்ச்சல் போன்ற பருவகால நோய்களிலிருந்து உங்களைப் பாதுகாக்கும்.
உட்கொள்ளும் முறை: குளிர்காலத்தில் கருப்புத் திராட்சையை சாப்பிடுவதற்கு ஒரு சிறந்த முறை உள்ளது. திராட்சையை இரவு முழுவதும் ஊறவைத்து, பின்னர் காலையில் வெறும் வயிற்றில் சாப்பிடலாம். பெரியவர்கள் ஒரு நாளைக்கு இரண்டு திராட்சைகள் எடுத்துக்கொள்வது போதுமானது. ஊறவைத்த திராட்சையைச் சாப்பிட்ட பிறகு, அந்தத் தண்ணீரையும் அருந்துவது கூடுதல் பலன்களை தரும் என்றும் நிபுணர்கள் பரிந்துரைக்கின்றனர்.
பொறுப்புத் துறப்பு : மேற்கண்ட விவரங்கள் அனைத்தும் சமூக வலைதளங்களில் வரும் மருத்துவ நிபுணர்களின் தனிப்பட்ட கருத்துக்களாகும். இவற்றின் உண்மைத் தன்மையை Tamil Xpress இணையதளம் உறுதிப்படுத்தவில்லை.
