தமிழ்நாட்டில் தேர்தல் களம் ஒவ்வொரு நொடியும் பரபரப்பாக இருக்கும் நிலையில், நடிகர் விஜய் தொடங்கிய தமிழக வெற்றிக் கழகத்தின் அரசியல் பயணம் 2026 சட்டமன்றத் தேர்தலைக் கவனிக்கத்தக்க ஒன்றாக மாற்றியுள்ளது. குறிப்பாக, சமீபத்தில் அ.தி.மு.க.வின் தலைமை மீது நிலவிய உட்கட்சி பிரச்சனைகளால் அந்தக் கட்சியிலிருந்து விலக்கப்பட்ட மூத்த அரசியல்வாதியான செங்கோட்டையன், விஜய்யின் த.வெ.க.வில் இணைந்திருப்பது அரசியல் களத்தில் பெரும் திருப்பத்தை ஏற்படுத்தியுள்ளது.
பின்னணியில் அமித்ஷா..?
செங்கோட்டையன், த.வெ.க.வில் இணைந்ததற்குப் பின்னால், மத்திய உள்துறை அமைச்சர் அமித்ஷாவின் அரசியல் வியூகம் இருப்பதாக தற்போது பரபரப்பான தகவல்கள் வெளியாகியுள்ளன. அ.தி.மு.க.வின் தலைமை மீது அதிருப்தியில் இருந்த செங்கோட்டையன், பா.ஜ.க.வில் இணைவது குறித்துப் பேசுவதற்காக டெல்லிக்குச் சென்றுள்ளார்.
அப்போது, அமித்ஷாவை அவர் சந்தித்ததாக கூறப்படுகிறது. அந்தச் சந்திப்பில், செங்கோட்டையன் பா.ஜ.க.வில் இணைவதை தவிர்த்து, தவெகவில் இணைந்து பணியாற்றும்படி அமித்ஷா உத்தரவிட்டதாக தகவல்கள் கசிகின்றன.
அதாவது, செங்கோட்டையன் த.வெ.க.வில் முக்கியப் பொறுப்பு வகிக்கும் பட்சத்தில், அவர் நடிகர் விஜய்யிடம் தேசிய அரசியலின் முக்கியத்துவத்தையும், அதன் தேவைகளையும் மெதுவாகப் புரியவைப்பார் என்றும், இதன் மூலம் தமிழக வெற்றிக் கழகம் கட்சியைப் படிப்படியாக தேசிய ஜனநாயகக் கூட்டணிக்குள் (NDA) கொண்டு வருவதே அமித்ஷாவின் திட்டம் என்றும் அரசியல் வட்டாரங்களில் பேசப்படுகிறது.
அதிமுகவுக்குள் ஏற்பட்ட பிளவுக்குப் பிறகு, தமிழகத்தில் ஒரு வலுவான கூட்டணியை உருவாக்க பா.ஜ.க. தீவிரமாகச் செயல்பட்டு வரும் நிலையில், இந்தத் தகவல் அரசியல் உற்றுநோக்கர்களால் உன்னிப்பாக கவனிக்கப்படுகிறது. செங்கோட்டையனின் அடுத்தகட்ட அரசியல் நகர்வு இந்தத் தகவலை உறுதிப்படுத்துமா என்பதைப் பொறுத்திருந்துதான் பார்க்க வேண்டும்.
Read More : திருவிழாவில் ஆரம்பித்த திருமணத்தை மீறிய உறவு..!! கள்ள ஜோடியை சேர்த்து வைத்த சப்-இன்ஸ்பெக்டர்..!!
