சேலம் கோட்டை மாரியம்மன் கோவிலுக்கு பக்தர்களால் தானமாக வழங்கப்பட்ட காளை மாடு மற்றும் கன்றுக்குட்டி திருடப்பட்டு, அவை வெட்டப்பட்டு இறைச்சியாக விற்கப்பட்ட சம்பவம் தொடர்பாக இந்து முன்னணி மாநில தலைவர் காடேஸ்வரா சி. சுப்பிரமணியம் கடும் கண்டனத்தை பதிவு செய்துள்ளார்.
இதுகுறித்து அவர் விடுத்துள்ள அறிக்கையில், ”வேற்று மதத்தைச் சேர்ந்த ஒரு நபர், கோவிலுக்குள் நுழைந்து, காளையை கவனிப்பது போல் நடித்து, அதைத் திருடிச் சென்று கூறுபோட்டு விற்றுள்ளது அதிர்ச்சியை ஏற்படுத்தியுள்ளது. தானமாக கொடுத்த பக்தரே வந்து விசாரித்த பிறகு இந்தக் கொடூர திருட்டு வெளிச்சத்திற்கு வந்துள்ளது.
கோவில் சொத்துக்கள் மற்றும் தானமாக வழங்கப்படும் கால்நடைகளைப் பாதுகாப்பதே இந்து சமய அறநிலையத் துறையின் கடமை. தானம் அளித்தவர் வந்து புகார் அளிக்கும் வரை அறநிலையத் துறை தூக்கத்தில் இருந்ததா? அல்லது கண்டும் காணாமல் இருந்ததா? இதுகுறித்து காவல்துறை தீவிர விசாரணை நடத்த வேண்டும்.
மேலும், இந்துக்களுக்கு விரோதமாக திமுக அரசு தொடர்ந்து செயல்படுவதாக குற்றம் சாட்டிய அவர், சாலை விரிவாக்கம் போன்ற காரணங்களை காட்டி நூற்றுக்கணக்கான கோயில்கள் இடிக்கப்பட்டதை குறிப்பிட்டு கண்டனம் தெரிவித்தார். மேலும், ஜாதி அடிப்படையில் மக்களை தனித்தனியாகப் பிரித்து அடையாளம் திணிப்பது இந்த அரசுதான் என்றும் கடுமையாக விமர்சித்தார்.
Read More : இந்திய ரயில்வேயில் பணிபுரிய ஆசையா..? 2,569 காலிப்பணியிடங்கள்..!! மாதம் ரூ.35,400 சம்பளம்..!!
