தமிழ்நாட்டில் உள்ள ஏழை, எளிய மற்றும் நடுத்தர மக்களுக்கு ஒரு மகிழ்ச்சியான செய்தி வந்துள்ளது. சர்வதேச சந்தை நிலவரங்களுக்கு ஏற்ப நாட்டில் தங்கத்தின் விலை தொடர்ந்து உயர்ந்து வருவதை கருத்தில் கொண்டு, கூட்டுறவு வங்கிகள் மற்றும் கூட்டுறவு கடன் சங்கங்களில் ஒரு கிராம் தங்கத்திற்கு வழங்கப்படும் கடன் தொகையை அரசு உயர்த்தி அறிவித்துள்ளது.
கடன் தொகை உயர்வு :
கூட்டுறவு வங்கிகள் மூலம் தமிழக மக்கள் தங்கள் தங்க நகைகளை அடகு வைத்துப் பணம் பெறும் திட்டத்தில், இதுவரை ஒரு கிராம் தங்கத்திற்கு அதிகபட்சமாக ரூ.6,000 வரை மட்டுமே கடன் வழங்கப்பட்டு வந்தது.
தற்போது, தங்கம் விலையேற்றம் அடைந்துள்ள நிலையில், இந்தக் கடன் தொகை ஒரு கிராமுக்கு ரூ.7,000 ஆக உயர்த்தப்பட்டுள்ளது. இந்தக் கடன் தொகை உயர்வு, திடீர் நிதி தேவைகளுக்காக நகைகளை அடகு வைக்கும் மக்களுக்கு பெரும் உதவியாக இருக்கும்.
சாதனை அளவிலான கடன் விநியோகம் :
தமிழகத்தில் கூட்டுறவு நிறுவனங்கள், ஏழை எளிய மக்களின் நிதித் தேவைகளைப் பூர்த்தி செய்வதில் முக்கியப் பங்காற்றுகின்றன. இந்தக் கூட்டுறவு வங்கிகள் மற்றும் கடன் சங்கங்கள் மூலம் இந்த நிதியாண்டின் ஏப்ரல் முதல் அக்டோபர் வரையிலான காலகட்டத்தில் மட்டும், சுமார் 42 லட்சம் பேருக்கு, ரூ.45,000 கோடி ரூபாய் அளவுக்கு நகைக்கடன்கள் வழங்கப்பட்டுள்ளன.
தற்போதைய கடன் தொகை உயர்வு, மேலும் பல நடுத்தர மக்கள் அவசர நிதித் தேவைகளுக்காகக் கூட்டுறவு வங்கிகளை அணுகிப் பயன்பெற வழிவகுக்கும் என்று எதிர்பார்க்கப்படுகிறது.
Read More : தோட்டத்து வீட்டில் பயங்கரம்..!! தனியாக இருந்த தம்பதியை கட்டிப்போட்டு 18 சவரன் நகைகள் கொள்ளை..!!
