காதல் எப்போது, எப்படி, யார் மீது வரும் என்று யாருக்கும் தெரியாது. அதற்கு ஜாதி, மதம் மட்டுமல்ல, வயதும் தடையில்லை என்பதை நிரூபிக்கும் வகையில், 18 வயது இளம்பெண் ஒருவர் தனது அக்காள் கணவரான 55 வயது நபரை திருமணம் செய்துகொண்ட சம்பவம் தற்போது இணையத்தில் பேசுபொருளாகியுள்ளது.
உடல்நலக்குறைவால் படுத்த படுக்கையாக இருந்த அக்காளுக்கு உதவச் சென்ற அந்த இளம்பெண்ணுக்கும், அவரது கணவருக்கும் இடையேதான் இந்த நெருக்கம் ஏற்பட்டுள்ளது. தினமும் சமையல் செய்வது மற்றும் பிற உதவிகளை செய்யும்போது, இருவரும் அதிக நேரம் பேசும் வாய்ப்புக் கிடைத்தது. இந்த பழக்கத்தினால், 55 வயதான அக்காள் கணவர் மீது 18 வயது இளம்பெண் காதலில் விழுந்தார். இருவரும் திருமணம் செய்துகொள்ள முடிவு செய்து, தற்போது கணவன் மனைவியாக இணைந்துள்ளனர்.
சமீபத்தில் இந்தத் தம்பதியினர் ஊடகங்களுக்கு அளித்த பேட்டிதான் இணையத்தில் வைரலாகி வருகிறது. பிங்க் நிற சேலையில் இளம்பெண்ணும், தலைமுடி, தாடி, மீசை நரைத்த நிலையில் காவித் துண்டு அணிந்த அந்த நபரும் ஜோடியாக நின்றிருந்தனர். அப்போது பத்திரிகையாளர், “உங்கள் கணவர் வயதானவராக தெரிகிறாரே?” என்று கேள்வி எழுப்பினார்.
அதற்கு சிரித்தபடி பதிலளித்த அந்த இளம்பெண், “என் பார்வையில் என் கணவர் வயதானவர் இல்லை. அவர் மிகவும் ஸ்மார்ட்டான நபர். நீங்கள் அவரை என் இடத்தில் இருந்து பார்க்க வேண்டும். அவருக்கு முடி மட்டும்தான் வெள்ளையாக உள்ளது. அதற்கு ‘டை’ அடித்துக் கொள்ளலாம். அவருடைய பற்களையும் வெண்மையாக்கி கொள்ளலாம். இதைச் செய்தால் அவர் இன்னும் அழகானவராக மாறுவார். நான் அவரைத் திருமணம் செய்ததில் மிகுந்த மகிழ்ச்சியாக இருக்கிறேன்” என்று உற்சாகமாக கூறியுள்ளார்.
இந்த வீடியோ இணையத்தில் வேகமாகப் பரவி வருகிறது. அவர்கள் பேசும் மொழியின் உச்சரிப்பை கொண்டு, அவர்கள் உத்தரப்பிரதேசத்தைச் சேர்ந்தவர்களாக இருக்கலாம் என்று இணையவாசிகள் கருத்துத் தெரிவித்து வருகின்றனர். காதல் முதிர்ச்சியையும், வயது வேறுபாட்டையும் கடந்தது என்பதை உணர்த்தும் இந்தச் சம்பவம், சமூக வலைதளங்களில் ஆதரவு மற்றும் விமர்சனம் என பலதரப்பட்ட விவாதங்களை தூண்டியுள்ளது.
